ദോഹ: ഈദ് അൽ ഫിത്തർ ആഘോഷങ്ങളോടനുബന്ധിച്ച് ലുസൈൽ നഗരത്തിൽ സ്കൈ ഫെസ്റ്റിവൽ സംഘടിപ്പിക്കുമെന്ന് വിസിറ്റ് ഖത്തർ അറിയിച്ചു.

ഇത് മേഖലയിലെ ഇത്തരത്തിലുള്ള ഏറ്റവും വലിയ ഫെസ്റ്റിവൽ ആയിരിക്കുമെന്നും 2025 ഏപ്രിൽ 3 മുതൽ 5 വരെ വൈകുന്നേരം 4 മുതൽ രാത്രി 10 വരെ ലുസൈലിലെ പ്രശസ്തമായ അൽ സാദ് പ്ലാസയിൽ വെച്ച് നടക്കുമെന്നും വിസിറ്റ് ഖത്തർ അറിയിച്ചു.

അന്താരാഷ്ട്ര വ്യോമ പ്രകടനങ്ങൾ, സ്കൈ ഡൈവിംഗ്, സ്കൈ റൈറ്റിംഗ് പ്രകടനങ്ങൾ, അതിവേഗ ജെറ്റ് ഡിസ്പ്ലേകൾ എന്നിവയുൾപ്പെടെ നിരവധി വ്യോമ പ്രകടനങ്ങൾ സ്കൈ ഫെസ്റ്റിവലിന്റെ ഭാഗമായി നടക്കും.

3,000-ത്തിലധികം പ്രകാശിപ്പിച്ച ഡ്രോണുകളും കരിമരുന്ന് പ്രയോഗങ്ങൾ ഘടിപ്പിച്ച 150 ചെറിയ വിമാനങ്ങളും അവതരിപ്പിക്കുന്ന അസാധാരണമായ ഡ്രോൺ ഷോ രാത്രി ആകാശത്ത് മാസ്മരികത സൃഷ്ടിക്കും.

സംഗീതത്തിന്റെയും ലൈറ്റ് ഇഫക്റ്റുകളുടെയും സമന്വയത്തോടെ രാത്രിയിൽ ലേസർ, വെടിക്കെട്ട് പ്രദർശനങ്ങളും ഉണ്ടായിരിക്കും,