ദോഹ: കസ്റ്റമർ മറന്നുവെച്ച വിലപിടിപ്പുള്ള റോളക്‌സ് വാച്ച് ജോലിക്കിടെ കണ്ടെത്തി തിരികെ നൽകിയതിൻ്റെ സത്യസന്ധതയെ അഭിനന്ദിച്ച് ക്ലീനിംഗ് ജീവനക്കാരനെ വുഖൂദ് ആദരിച്ചു.

ഒന്നര ലക്ഷം റിയാൽ വിലമതിക്കുന്ന ഒരു എമിറാത്തി പൗരന്റെ റോളക്‌സ് വാച്ചാണ് തൊഴിലാളി തിരികെ നൽകിയത്. ഇതിനെക്കുറിച്ച് എമിറാത്തി ഒരു വീഡിയോ പോസ്റ്റ് ചെയ്തതോടെ സംഭവം സോഷ്യൽ മീഡിയയിൽ വൈറലായിരുന്നു.

തൻ്റെ സുഹൃത്ത് ദോഹയിൽ വഖൂദ് സ്റ്റേഷനിലെ വിശ്രമമുറിയിൽ 150,000 റിയാലിലധികം വിലമതിക്കുന്ന റോളക്സ് വാച്ച് മറന്നുവെച്ചതായും തുടർന്ന് ഏഷ്യൻ കപ്പ് മത്സരം കാണാൻ പോയതായും വിവരിക്കുന്ന ഒരു വീഡിയോ ക്ലിപ്പ് ഒരു എമിറാത്തി കണ്ടൻ്റ് ക്രിയേറ്റർ പോസ്റ്റ് ചെയ്തു.

മൂന്ന് മണിക്കൂറിന് ശേഷം ഇരുവരും വോഖോദ് സ്റ്റേഷനിൽ തിരിച്ചെത്തിയപ്പോൾ, നഷ്ടപ്പെട്ട വാച്ച് ഒരു ശുചീകരണ ജീവനക്കാരൻ കണ്ടെത്തിയതായും സുരക്ഷിതമായി ഓഫീസിൽ ഏൽപ്പിച്ചതായും അദ്ദേഹം കൂട്ടിച്ചേർത്തു.

"ഞാൻ ദൈവത്തോട് സത്യം ചെയ്യുന്നു, ഞങ്ങൾ മത്സരത്തിന് പോയി, മത്സരം കഴിഞ്ഞു തിരികെ വന്നു, വാച്ച് ഇപ്പോഴും ഉണ്ടെന്ന് അവർ ഞങ്ങളെ അറിയിച്ചു […] ഇതെല്ലാം മൂന്ന് മണിക്കൂറിനുള്ളിൽ സംഭവിച്ചു," അദ്ദേഹം വീഡിയോയിൽ പറഞ്ഞു, ജീവനക്കാരന്റെ സത്യസന്ധതയ്ക്ക് നന്ദി പറയുകയും അദ്ദേഹത്തിന്റെ പേര് അറിയാൻ ആഗ്രഹിക്കുകയും ചെയ്യുന്നതായി എമിറാത്തി പറഞ്ഞു.

ഖത്തറിലെ സുരക്ഷയെ എമിറാത്തി പ്രശംസിച്ചു, വീഡിയോ ക്ലിപ്പിന് സോഷ്യൽ മീഡിയയിൽ വ്യാപകമായ അഭിനന്ദനം ലഭിച്ചു, വാർത്ത സോഷ്യൽ മീഡിയയിലും വൈറലായി.

ക്ലിപ്പ് പ്രചരിച്ചതോടെ ജീവനക്കാരനെ വുഖൂദ് കമ്പനി ആദരിച്ചു.