ദോഹ: എക്‌സ്‌പോ 2023 ദോഹ ലോഗോ പതിച്ച ലൈസൻസ് പ്ലേറ്റുകൾ ലഭ്യമാണെന്ന് ജനറൽ ഡയറക്ടറേറ്റ് ഓഫ് ട്രാഫിക് അറിയിച്ചു.

ലൈസൻസ് പ്ലേറ്റുകൾ നാളെ, നവംബർ 16, 2023 മുതൽ ലഭ്യമാകും, അതിനായി ചില മാർഗ്ഗനിർദ്ദേശങ്ങൾ പാലിക്കണമെന്ന് ട്രാഫിക് വിഭാഗം അറിയിച്ചു.

താൽപ്പര്യമുള്ള വാഹന ഉടമകൾക്ക് നിശ്ചിത ഫീസ് അടച്ച് ലൈസൻസ് പ്ലേറ്റ് സ്വന്തമാക്കാം.

പുതിയ ലൈസൻസ് പ്ലേറ്റ് എളുപ്പത്തിൽ രജിസ്റ്റർ ചെയ്യാമെന്നും ആദ്യ തവണ വാഹന രജിസ്ട്രേഷൻ ഉൾപ്പെടെ ആർക്കും നിർബന്ധമല്ലെന്നും ആഭ്യന്തര മന്ത്രാലയം കൂട്ടിച്ചേർത്തു.

ലോഗോ സ്വകാര്യ ലൈസൻസ് പ്ലേറ്റുകൾക്ക് മാത്രമായി ലഭ്യമാണെന്നും മന്ത്രാലയം വ്യക്തമാക്കി.

ലോഗോ വ്യാജമായി നിർമ്മിക്കുന്നതും ഇൻസ്റ്റാൾ ചെയ്യുന്നതും കർശനമായി നിരോധിച്ചിട്ടുണ്ടെന്നും ലംഘിക്കുന്നവർക്ക് നിയമപരമായ പ്രത്യാഘാതങ്ങൾ നേരിടേണ്ടി വരുമെന്നും മന്ത്രാലയം മുന്നറിയിപ്പ് നൽകി.