ദോഹ: ഇന്റർനാഷണൽ ഹോർട്ടികൾച്ചറൽ എക്‌സിബിഷൻ ചരിത്രത്തിലെ ഏറ്റവും വലിയ ജനപങ്കാളിത്തത്തിന് ദോഹ എക്‌സ്‌പോ 2023 സാക്ഷ്യം വഹിക്കുമെന്ന് പ്രതീക്ഷിക്കുന്നതായി അധികൃതർ വെളിപ്പെടുത്തി.

കൗണ്ട്ഡൗൺ ആരംഭിച്ചതോടെ, ഒക്ടോബർ 2ന് തുറക്കുന്ന എക്‌സ്‌പോ 2023 ദോഹയുടെ സൈറ്റുകളിൽ അന്തിമ മിനുക്കുപണികൾ ഊർജിതമാക്കിയതായി എക്‌സ്‌പോ 2023 ദോഹ സെക്രട്ടറി ജനറൽ മുഹമ്മദ് അൽ ഖൂരി പറഞ്ഞു.

1.7 ദശലക്ഷം ചതുരശ്ര മീറ്റർ വിസ്തൃതിയിൽ വ്യാപിച്ചുകിടക്കുന്ന എക്‌സ്‌പോ വേദി വളരെ വലുതാണെന്നും മുഴുവൻ സ്ഥലവും സന്ദർശിക്കാൻ നിരവധി സന്ദർശനങ്ങൾ ആവശ്യമാണെന്നും അദ്ദേഹം പറഞ്ഞു.

“എക്‌സ്‌പോയുടെ മുഴുവൻ പ്രദേശവും ഒരു ദിവസം കൊണ്ട് ആർക്കും സന്ദർശിക്കാൻ കഴിയുമെന്ന് ഞാൻ കരുതുന്നില്ല. എക്‌സ്‌പോയിൽ നിന്ന് പ്രയോജനം നേടാൻ ആഗ്രഹിക്കുന്ന ഒരാൾക്ക് 10-ലധികം സന്ദർശനങ്ങൾ ആവശ്യമായി വന്നേക്കാം,” അൽ ഖൂരി പറഞ്ഞു.

ആറുമാസം നീണ്ടുനിൽക്കുന്നതിനാൽ എക്‌സ്‌പോയുടെ പ്രവർത്തനങ്ങൾ ക്രമേണ വർധിപ്പിക്കുമെന്നും അദ്ദേഹം പറഞ്ഞു.

“പ്രവർത്തനങ്ങളുടെ ശ്രദ്ധ സ്കൂളുകളിലും ആയിരിക്കും. -ഉന്നത വിദ്യാഭ്യാസ മന്ത്രാലയവുമായി സഹകരിച്ച് ഞങ്ങൾ സ്കൂളുകളിൽ നിന്നുള്ള സന്ദർശനങ്ങളുടെ ഷെഡ്യൂൾ തയ്യാറാക്കുകയാണ്," അൽ ഖൂരി പറഞ്ഞു.

30 ലക്ഷത്തിലധികം സന്ദർശകരെ ആകർഷിക്കുക എന്നതാണ് ഇവന്റ് ലക്ഷ്യമിടുന്നത്, പങ്കെടുക്കുന്നവർക്ക് മനോഹരമായ ഭൂപ്രകൃതിയുള്ള പൂന്തോട്ടങ്ങൾ കാണാനും ലോകമെമ്പാടുമുള്ള സംസ്കാരങ്ങൾ അനുഭവിക്കാനും അവസരം ലഭിക്കും. മരുഭൂവൽക്കരണം, കാർഷിക ആവശ്യങ്ങൾക്കുള്ള വെള്ളത്തിന്റെയും മണ്ണിന്റെയും അഭാവം തുടങ്ങിയ നിരവധി വെല്ലുവിളികൾ നേരിടുന്ന രാജ്യങ്ങൾ എക്‌സ്‌പോയിൽ പങ്കെടുക്കുന്നുണ്ട്