ഈയുഗം ന്യൂസ്
December 04, 2022 Sunday 11:58:33pm
ദോഹ: പരിമിതികളെ അതിജീവിച്ച് വിവിധ മേഖലകളിൽ വ്യക്തിമുദ്ര പതിപ്പിച്ച ആസിം വെളിമണ്ണയെ ഖത്തർ നാഷനൽ രിസാല സ്റ്റഡി സർക്കിൾ (ആർ.എസ്.സി) ആദരിച്ചു.
ഖത്തറിൽ ഹൃസ്വസന്ദർശനത്തിനെത്തിയ ആസിമിനെ ആർ.എസ്.സി നാഷണൽ ചെയർമാൻ ശകീർ ബുഖാരി, ഉബൈദ് വയനാട്, നംഷാദ് പനമ്പാട് എന്നിവരുടെ നേതൃത്വത്തിൽ ആദരിച്ചു.
2021 ലെ ഇന്റർ നാഷണൽ ചിൽഡ്രൻസ് പീസ് പ്രൈസ് ഫൈനലിസ്റ്റും യുനിസെഫ് അവാർഡ് ജേതാവുമായ ആസിം വെല്ലുവിളികളെ സധീരം നേരിടാൻ കരുത്ത് പകരുന്ന സന്ദേശങ്ങളാണ് നൽകുന്നതെന്ന് ആർ എസ് സി ജനറൽ സെക്രട്ടറി ഉബൈദ് വയനാട് പറഞ്ഞു.
ചടങ്ങിൽ റഊഫ് മാട്ടൂൽ, ഹാശിം മാവിലാടം, ഹാരിസ് പുലാശ്ശേരി, താജുദ്ദീൻ പുറത്തീൽ എന്നിവർ സംബന്ധിച്ചു.
