ഈയുഗം ന്യൂസ്
September 26, 2022 Monday 12:22:57am
ദോഹ. കൂടുതല്‍ പുതുമകളോടെ മീഡിയ പ്‌ളസ് തയ്യാറാക്കിയ ഖത്തര്‍ ബിസിനസ് കാര്‍ഡ് ഡയറക്ടറിയുടെ പതിനാറാം പതിപ്പ് അലി അബ്ദുല്ല അല്‍ കഅബി പ്രകാശനം ചെയ്തു.
ശര്‍ഖ് വില്ലേജ് ആന്റ് സ്പായില്‍ നടന്ന ചടങ്ങില്‍ ബീകോണ്‍ ഗ്രൂപ്പ് സി.ഒ.ഒ.നിഷാസ് മുഹമ്മദലി ഡയറക്ടറിയുടെ ആദ്യ പ്രതി ഏറ്റുവാങ്ങി.
ബിസിനസ് രംഗത്ത് നെറ്റ് വര്‍കിംഗ് വളരെ പ്രധാനമാണെന്നും ആവശ്യമുള്ള സമയത്ത് ആവശ്യമുള്ളവരുമായി ബന്ധപ്പെടുവാന്‍ സഹായകമാകുന്ന ഖത്തര്‍ ബിസിനസ് കാര്‍ഡ് ഡയറക്ടറി എല്ലാതരം ബിസിനസുകള്‍ക്കും ഏറെ പ്രയോജനകരമാണെന്നും ചടങ്ങില്‍ സംസാരിച്ചവര്‍ അഭിപ്രായപ്പെട്ടു.
അക്കോണ്‍ ഹോള്‍ഡിംഗ് ചെയര്‍മാന്‍ ഡോ. ശുക്കൂര്‍ കിനാലൂര്‍ ചടങ്ങില്‍ അധ്യക്ഷത വഹിച്ചു. ദോഹ ബ്യൂട്ടി സെന്റര്‍ മാനേജിംഗ് ഡയറക്ടര്‍ ഡോ. ഷീല ഫിലിപ്പോസ്, ഏവന്‍സ് ട്രാവല്‍ ആന്റ് ടൂര്‍സ് മാനേജിംഗ് ഡയറക്ടര്‍ നാസര്‍ കറുകപ്പാടത്ത്, സിക്‌സ്‌കോ ഗ്രൂപ്പ് മാനേജിംഗ് ഡയറക്ടര്‍ അഷ്‌റഫ് അബ്ദുല്‍ അസീസ് , സ്‌കൈ ബ്യൂട്ടി സെന്റര്‍ ആന്റ് സ്പാ മാനേജിംഗ് ഡയറക്ടര്‍ പി. സുരേഷ് ബാബു എന്നിവര്‍ പങ്കെടുത്തു.
ഡയറക്ടറിയുടെ കമ്മ്യൂണിറ്റി ലോഞ്ചിംഗ് റേഡിയോ മലയാളം ഓഫീസില്‍ വെച്ചാണ് നടന്നത്. കേരള എന്‍ട്രപ്രണേര്‍സ് ക്‌ളബ്ബ് പ്രസിഡണ്ട് ഷരീഫ് ചിറക്കലിന് ഡയറക്ടറിയുടെ കോപ്പി നല്‍കി ബി.എന്‍.ഐ. ഖത്തര്‍ നാഷണല്‍ ഡയറക്ടര്‍ പി. മുഹമ്മദ് ഷബീബ് നിര്‍വഹിച്ചു. ഐ.ബി.പി.സി. പ്രസിഡണ്ട് ജാഫര്‍ സാദിഖ്, കെ.ബി.എഫ്. പ്രസിഡണ്ട് ഷാനവാസ് ബാവ, ഐ.സി.ബി.എഫ്. ജനറല്‍ സെക്രട്ടറി സാബിത് സഹീര്‍, ലോകകേരളസഭ അംഗം അബ്ദുല്‍ റഊഫ് കൊണ്ടോട്ടി, അല്‍ സുവൈദ് ഗ്രൂപ്പ് ഡയറക്ടര്‍ ഫൈസല്‍ റസാഖ്, റേഡിയോ മലയാളം മാര്‍ക്കറ്റിംഗ് മാനേജര്‍ നൗഫല്‍ അബ്ദുറഹിമാന്‍ മുതലായവര്‍ ചടങ്ങില്‍ സംബന്ധിച്ചു.
ഇന്ത്യന്‍ സ്‌പോര്‍ട്‌സ് സെന്റര്‍ പ്രസിഡണ്ട് ഡോ. മോഹന്‍ തോമസും ഇന്ത്യന്‍ കള്‍ചറല്‍ സെന്റര്‍ പ്രസിഡണ്ട് പി.എന്‍. ബാബുരാജനും ഡയറക്ടറിയുടെ കോപ്പി ഡയറക്ടറി ചീഫ് എഡിറ്ററും മീഡിയ പ്‌ളസ് സി. ഇ. ഒ. യുമായ ഡോ. അമാനുല്ല വടക്കാങ്ങരയില്‍ നിന്നും ഏറ്റുവാങ്ങി.
ഖത്തറിലെ ബിസിനസ് സമൂഹത്തിനുള്ള മീഡിയ പ്‌ളസിന്റെ സമ്മാനമാണ് ബിസിനസ് കാര്‍ഡ് ഡയറക്ടറിയെന്നും 2007 മുതല്‍ മുടക്കമില്ലാതെ എല്ലാ വര്‍ഷവും പ്രസിദ്ധീകരിക്കുന്ന ബിസിനസ് കാര്‍ഡ് ഡയറക്ടറി ഇന്തോ ഗള്‍ഫ്, ഇന്‍ട്രാ ഗള്‍ഫ് വ്യാപാരം പ്രോല്‍സാഹിപ്പിക്കുന്നതിന് സഹായകമാകുന്നുവെന്നതില്‍ അഭിമാനമുണ്ടെന്നും ഡയറക്ടറി ചീഫ് എഡിറ്ററും മീഡിയ പ്‌ളസ് സി. ഇ. ഒ. യുമായ ഡോ. അമാനുല്ല വടക്കാങ്ങര പറഞ്ഞു. ഖത്തര്‍ ഫിഫ ലോകകപ്പിന് ആതിഥ്യമരുളുന്ന ഈ വര്‍ഷത്തെ എഡിഷന്‍ കൂടുതല്‍ സവിശേഷമാണെന്നും ലോകകപ്പിനെത്തുന്ന സംരംഭകര്‍ക്കുള്ള പ്രത്യേക ഉപഹാരമാണെന്നും അദ്ദേഹം പറഞ്ഞു.
ഷറഫുദ്ധീന്‍ തങ്കയത്തില്‍ , ഫൗസിയ അക്ബര്‍, മുഹമ്മദ് റഫീഖ്, റഷാദ് മുബാറക്, കെ.പി.സുബൈര്‍, ജോജിന്‍ മാത്യൂ, എന്നിവര്‍ പരിപാടിക്ക് നേതൃത്വം നല്‍കി.
എച്ച്എംസി, പിഎച്ച്സിസി മെഡിക്കൽ ചികിത്സാ ഫീസ് ഔദ്യോഗിക ഗസറ്റിൽ പ്രസിദ്ധീകരിച്ചു
ഇലക്‌ട്രീഷ്യൻമാർക്കും പ്ലംബർമാർക്കും പുതിയ ലൈസൻസ് നടപടിക്രമം
സിഡ്‌നിയിലേക്കുള്ള ഖത്തർ എയർവേയ്‌സ് വിമാനത്തിൽ യാത്രക്കാരി മരണപ്പെട്ടു
പൊതുജനങ്ങൾക്ക് ചൊവ്വാഴ്ച മുതൽ എക്‌സ്‌പോ സന്ദർശിക്കാമെന്ന് സംഘാടകർ
സ്വിസ് സംഘം ജനീവയിൽ നിന്ന് ഇലക്ട്രിക് വാനുകൾ ഓടിച്ച് ദോഹയിലെത്തി
