// // // */ E-yugam


ഈയുഗം ന്യൂസ്
August  02, 2022   Tuesday   06:51:14pm

news



whatsapp

ദോഹ: ഖത്തറിൽ ലോക കപ്പ് ഒരുക്കങ്ങളുടെ ഭാഗമായി സർവീസ് മേഖലയിലെ ജോലികൾക്ക് നേപ്പാളികളെ നിയമിക്കും.

സർവീസ് മേഖലയിൽ നേപ്പാളികളെ നിയമിക്കാൻ കമ്പനികൾ, പ്രത്യേകിച്ചും ഹോട്ടലുകൾ, താല്പര്യം പ്രകടിപ്പിച്ചതായി ഖത്തറിലെ നേപ്പാൾ എംബസി നേപ്പാൾ തൊഴിൽ മന്ത്രാലയത്തെ അറിയിച്ചു.

ഇതിനാവശ്യമായ സഹായം നൽകാൻ സന്നദ്ധമാണെന്ന് നേപ്പാൾ തൊഴിൽ മന്ത്രാലയം പറഞ്ഞു.

ലോക കപ്പ് പ്രമാണിച്ച് നൂറുകണക്കിന് താൽക്കാലിക വാക്കൻസികളാണ് ഖത്തറിലെ ഹോട്ടലുകളിൽ ഉള്ളത്. ദോഹയിലെ ഹോട്ടലുകൾക്ക് വേണ്ടി ലോകത്തിന്റെ വിവിധ ഭാഗങ്ങളിൽ നിന്നും ജീവനക്കാരെ റിക്രൂട് ചെയ്യാൻ തുടങ്ങിയതായി ഒരു പ്രമുഖ യുറോപ്പിയൻ ഹോട്ടൽ കമ്പനി പറഞ്ഞിരുന്നു.

നിർമാണ മേഖലയിലാണ് നേപ്പാൾ പൗരന്മാർ ഖത്തറിൽ പ്രധാനമായും ജോലി ചെയ്യുന്നത്. സർവീസ് മേഖലയിൽ പ്രവേശിക്കുന്നതോടെ അവർക്ക് കൂടുതൽ അവസരങ്ങൾ ലഭിക്കും.

താൽക്കാലിക ഒഴിവിലേക്ക് നിയമിക്കപ്പെടുന്നവർക്ക് സൗജന്യ വിസയും ടിക്കറ്റും നൽകണമെന്ന് നേപ്പാൾ ഗവണ്മെന്റ് ആവശ്യപ്പെട്ടു. നൂറുകണക്കിന് നേപ്പാളി പൗരന്മാർക്ക് ഖത്തറിൽ ജോലി ചെയ്യാൻ അവസരം ലഭിക്കും.

Comments


Page 1 of 0